Бүтээгдэхүүн баталгаажуулалтын гэрээ

БХҮНТ ББАГ-01

БҮТЭЭГДЭХҮҮН  БАТАЛГААЖУУЛАЛТЫН ГЭРЭЭ

201... оны ...... сарын ...... өдөр                                    №                                    Улаанбаатар хот

Нэг талаас “Барилгын хөгжлийн үндэсний нэгдсэн төв”-ийн Бүтээгдэхүүн баталгаажуулалтын алба /цаашид ББАлба гэх/ нөгөө талаас “........................................” ХХК

                                                                                                           (байгууллагын нэр)

/ цаашид хүсэлт гаргагч гэх/ -ийн MNS ......... стандартын шаардлагын дагуу үйлдвэрлэж буй .................................................. баталгаажуулалтанд хамруулахаар дараах нөхцөлийг

               (бүтээгдэхүүний нэр)

харилцан тохиролцон  энэхүү гэрээг байгуулав.

Нэг. Ерөнхий зүйл

1. Хүсэлт гаргагчийн үйлдвэрлэж буй бүтээгдэхүүн нь ББА-ны баталгаажуулалтын хамрах хүрээнд байна.
2. Бүтээгдэхүүн баталгаажуулах үйл ажиллагааг MNS ISO/IEC17065:2013 стандартын шаардлагын дагуу явуулна.

Хоёр.Талуудын харилцан хүлээх эрх, үүрэг.

1. Хүсэлт гаргагч  байгууллага, аж ахуйн нэгжийн хүлээх үүрэг, эрх:
   1. Хүсэлт гаргагч нь баталгаажуулалтын схемийн дагуу ББАлбанаас тодорхойлсон дараах  шаардлагыг хангасан байна. Үүнд:

• Хүсэлт гаргагч нь баталгаажуулалтын шаардлагыг байнга хангах, баталгаажуулалтын албанаас мэдэгдсэн холбогдох өөрчлөлтийг хэрэгжүүлнэ.
• Хүсэлтийг маягтын дагуу, бүрдүүлэх материалыг шаардлагын хэмжээнд боловсруулан ББАлбанд хүргүүлсэн байна.
• ББАлбанаас томилогдсон үнэлгээ хийх ажлын хэсгийн удирдамжтай танилцсан байна.
• Хүсэлт гаргагч нь баталгаажуулалтын хамрах хүрээнд бүтээгдэхүүний сорилт шинжилгээний үр дүн, холбогдох баримт бичгүүд, бүтээгдэхүүний техникийн шаардлагын стандарт, бусад норматив баримт бичгийг бэлэн байлгах ба баталгаажуулалтын схемтэй танилцсан байна.
• Үнэлгээний ажлын хэсгийг үнэлгээ явуулах нөхцөл бололцоогоор хангах ба үйлдвэрлэлийн технологи үйл ажиллагааг хэвийн жигд явуулж, түүхий эд, бэлэн бүтээгдэхүүний сорьц дээж авах бололцоогоор хангах
  1. Хүсэлт гаргагч нь баталгаажуулалтын гэрээг үнэлгээний ажлын хэсэг томилогдохоос 3 хоногийн өмнө байгуулсан байна.
  2. Хүсэлт гаргагчийн үйлдвэрлэж буй бүтээгдэхүүн нь баталгаажуулалтын схемийн дагуу холбогдох стандарт, норматив баримт бичгийн шаардлагад нийцсэн байх ба баталгаажуулсан бүтээгдэхүүн нь шаардлагыг үргэлжлүүлэн хангах ёстой.
  3. Хүсэлт гаргагч нь баталгаажуулалтын үнэлгээний ажлын хэсэг үнэлгээ хийсний дараа баталгаажуулалтын ажлын төлбөрийг батласан тарифаар холбогдох схемийн дагуу ажлын 3 хоногт багтаан төлнө.
  4. Хүсэлт гаргагч нь баталгаажуулалтын албаны нэр хүндийг унагаах байдлаар бүтээгдэхүүний баталгаажуулалтыг хэрэглэхгүй байх, мэдээллийн хэрэгсэлд бүтээгдэхүүний талаар сурталчлахдаа баталгаажуулалтын схемд заасан шаардлагыг хангах, баталгаажуулалтыг түдгэлзүүлэх, цуцлах, зогсоох үед сурталчилгааг хэрэглэхгүй ба баталгаажуулалтын шаардлагыг хангах чадварт нөлөөлж болох өөрчлөлтийг мэдэгдэнэ.
  5. Хүсэлт гаргагч нь баталгаажуулалтын шаардлагыг хангахад холбогдолтой хэрэглэгчийн сэтгэл ханамжийн судалгаатай байх ба хэрэглэгч байгууллагаас ирүүлсэн бүх гомдлыг бүртгэж, гомдлыг барагдуулан баримтжуулах ажлыг хариуцаж, уг бүртгэлийг баталгаажуулалтын байгууллагаас шаардсан үед бэлэн байлгана.
  6. Үйлдвэрлэлийн үйл ажиллагаанд мөрдөх ХАБЭА-н дүрэм журамтай байх, аюулгүй ажиллагааны тэмдэг тэмдэглэгээг хэрэглэх, ажилчдыг сургалтанд хамруулсан байна.
  7. Хүсэлт гаргагч нь  дараах эрхтэй.
• Баталгаажуулалтын үнэлгээ хийх ажлын хэсгийн багийн бүрэлдэхүүнтэй танилцаж, ашиг сонирхлын зөрчилтэй, ажил хэргийн харилцаа холбоотой шинжээч байвал татгалзаж солиулах эрхтэй.
• Үнэлгээний ажлыг хугацаанд нь шуурхай хийж бодит дүгнэлт гаргаж байгаа эсэхэд ажиглалт хийж, саналаа гаргах эрхтэй.
• Өөрийн байгууллагын үйл ажиллагааны үнэлгээнд холбогдох нэмэлт материал, тайлбар гаргаж өгөх эрхтэй.

1. Бүтээгдэхүүн баталгаажуулалтын албаны хүлээх үүрэг, эрх :
   1. ББАлба нь хүсэлт гаргагчаас ирүүлсэн материалыг хүлээн авснаас хойш ажлын 10 өдөрт багтаан танилцаж, дүн шинжилгээ хийж, үнэлгээ явуулах удирдамж гарган батлуулна.
   2. Ирүүлсэн материал шаардлага хангаагүй тохиолдолд энэ тухай хүсэлт гаргагчид цахимаар болон албан бичгээр хариу мэдэгдэж, хүсэлтийн дүн шинжилгээний дагуу дутуу материал, залруулах асуудлыг хүсэлт гаргагчтай хамтран ажиллаж, харилцах хуудас хөтлөн баримтжуулж хүсэлтийг бүрдүүлнэ. 
   3. ББАлба нь бүтээгдэхүүнд үнэлгээ явуулахдаа салбарын мэргэшсэн шинжээчээс бүрдсэн ажлын хэсэг /цаашид "шинжээч" гэнэ/ томилж, баталгаажуулалтын ажлыг холбогдох журмын дагуу  явуулна. Баталгаажуулалтын шинжээч нь сургалтанд хамрагдаж шинжээчийн эрх авсан байх, ажлын хүрээнд холбогдох аж ахуйн нэгж, байгууллагад нэвтрэн орох үнэмлэхтэй байна.
   4. Үнэлгээ хийхдээ хүсэлт гаргагчийн баримт бичиг ба бүртгэлийг шалгах, үйлдвэрлэлийн технологи ажиллагаа, тоног төхөөрөмжтэй танилцах,
   5. Хүсэлт гаргагч гомдол гаргасан тохиолдолд түүнийг бүртгэх, гаргасан гомдолд ББАлба дотоод аудит хийж үр дүнг мэдээлнэ.
   6. Баталгаажуулалт хийхэд шаардлагатай нэмэлт баримт бичгийг хүсэлт гаргасан байгууллагаас шаардаж авах, танилцах эрхтэй.
   7. Баталгаажуулалтанд хамрагдсан бүтээгдэхүүнд магадлах хяналт хийх.
   8.  Баталгаажуулалтын зөвлөлийн хурлын шийдвэр, үл тохирлын талаарх  мэдээллийг аж ахуйн нэгж байгууллага, холбогдох байгууллагад мэдээлэх.
   9. Шаардлагатай гэж үзвэл бүтээгдэхүүн нь нийтийн ашиг сонирхол, хүний эрүүл мэнд, хүрээлэн байгаа орчин, улс орны аюулгүй байдалд сөрөг нөлөөгүй болохыг нотолсон дүгнэлтийг холбогдох байгууллагуудаас гаргуулах.  Холбогдох мэргэжлийн хүмүүсийг баталгаажуулалтад татан оролцуулах.
   10.  Бүтээгдэхүүний баталгаажуулалтын ажлын төлбөрийг ББАлбаны дүрэм журам, бусад холбогдох хууль тогтоомжинд заасны дагуу тооцож авна.

Гурав. Талуудын хүлээх хариуцлага

2.1. Талууд энэ гэрээнд дурьдсан ажлыг хийхийн тулд шаардлагатай техникийн буюу бусад баримт бичиг, мэдээллийг харилцан бие биедээ өгөх үүрэг хүлээнэ.

2.2. Талууд хүлээн авсан нууцын зэрэглэлд багтах мэдээллийн болон мэдлэг туршлага, технологийн нууцыг хадгалах үүрэг хүлээнэ.

Гурав.  Бусад заалт

3.1. Энэ гэрээ Талууд гарын үсэг зурснаар хүчин төгөлдөр болох бөгөөд гэрээний үйлчилгээ Талууд үүргээ бүрэн биелүүлж, тооцоог хийж дууссан нөхцөлд дууссанд тооцогдоно. 

3.2. Гэрээнд шаардлагатай тохиолдолд тогтоосон журмаар нэмэлт, өөрчлөлт оруулж болно.

3.3. Хэрэв энэ гэрээ  болон түүнтэй холбогдох асуудлаар маргаан үүсвэл Талууд түүнийг хэлэлцээний замаар шийдвэрлэхийн тулд бүхий л арга хэмжээ авна.

3.4. Хэрэв Талууд маргааныг хэлэлцээний замаар шийдвэрлэж чадахгүй бол хууль тогтоомжинд заасны дагуу шийдвэрлүүлэхээр зохих байгууллагад хандана.

Гэрээ байгуулсан:

Барилгын хөгжлийн үндэсний нэгдсэн төвийн             Хүсэлт гаргагч:                    

Бүтээгдэхүүн баталгаажуулалтын албаны                   “................................................” ХХК -ийн              

Дарга                                                                                 Захирал

.....................................................  /Г.Оюун/                  ..................................../                           /  

                               / гарын үсэг /                                                              / гарын үсэг /

 Хаяг: Чингэлтэй дүүрэг 6-р хороо,                              Хаяг:

 Бага тойруу  46, 26/1 байр

 Утас:70110692                                                              Утас:

 И-мэйл хаяг: bhunt@barilga.mn                                   И-мэйл хаяг: