Тохирлын гэрчилгээ хэрэглэх гэрээ

БХҮНТ ББАГ-02

ТОХИРЛЫН ГЭРЧИЛГЭЭ ХЭРЭГЛЭХ ГЭРЭЭ

201... оны ...... сарын ...... өдөр                                    №                                    Улаанбаатар хот

Нэг талаас  Барилгын хөгжлийн үндэсний нэгдсэн төвийн “Бүтээгдэхүүн баталгаажуулалтын алба” /цаашид ББАлба гэх/, нөгөө талаас Тохирлын гэрчилгээ эзэмшигч аж ахуйн нэгж байгууллага “...............................................” ХХК -ийн /цаашид эзэмшигч гэх/ үйлдвэрлэж буй

                             (байгууллагын нэр)

“.................................................................”-ийн   тохирлын гэрчилгээг хэрэглэх талаар дараах

                   (бүтээгдэхүүний нэр)

зүйлийг харилцан тохиролцов.

Нэг. Талуудын харилцан хүлээх үүрэг

Эзэмшигч нь:

1. Бүтээгдэхүүнээ тохирлын гэрчилгээнд заасан стандартын үзүүлэлт, шаардлагад нийцүүлэн үйлдвэрлэж, зах зээлд нийлүүлнэ.
2. Тохирлын гэрчилгээнд заасан бүтээгдэхүүнийг итгэмжлэгдсэн лабораторийн шинжилгээнд улирал тутамд хамруулж, тохирлын тогтвортой байдал  хангалтанд хяналт тавина.
3. Үйлдвэрийн дотоод хяналтын болон хөндлөнгийн итгэмжлэгдсэн лабораторт хийгдсэн түүхий эд, хагас бэлэн бүтээгдэхүүн, бэлэн бүтээгдэхүүний сорилт шинжилгээний үр дүнг нэгтгэн дүн шинжилгээ хийх ба үйлдвэрлэлийн технологийн тохируулга, үйл ажиллагаанд хэрэглэж, баталгаажуулалтын албанаас хийх магадлан хяналтын үед баталгаажуулалтын шинжээчид танилцуулна.
4. Үйлдвэрлэн нийлүүлж буй бүтээгдэхүүндээ холбогдох стандартад заасан үзүүлэлт, мэдээлэл бүхий чанарын дагалдах гэрчилгээ, хаяг шошго дагалдуулна.
5. Гэрээний хугацаа дуусахаас нэг сарын өмнө гэрээний хугацааг сунгуулах хүсэлтээ баталгаажуулалтын албанд гаргана.
6. Бүтээгдэхүүн нь тохирлын гэрчилгээнд заасан стандартын үзүүлэлт, шаардлагад тохироогүйгээс хэрэглэгчид учирсан хохирлыг эзэмшигч хариуцна.
7. Тохирлын гэрчилгээг баталгаажуулалтын байгууллагын нэр хүндэнд буруугаар нөлөөлөх байдлаар хэрэглэхгүй байх, баталгаажуулалттай холбоотой аливаа мэдэгдэл хийхгүй байх.
8. Тохирлын гэрчилгээ хэрэглэх эрхийг түр зогсоосон, цуцалсан тохиолдолд баталгаажуулалтыг аливаа сурталчилгаанд хэрэглэхгүй байх, баталгаажуулалтын байгууллагын шаардлагын дагуу тохирлын гэрчилгээ, гэрээ, бусад холбогдох баримт бичгийг буцаан өгнө.
9. Энэхүү гэрээний хавсралтаар баталгаажуулалтын зөвлөлийн хурлаас үүрэг өгөгдсөн бол биелэлтийг хугацаанд нь гаргаж баталгаажуулалтын байгууллагад хүргүүлнэ.

Баталгаажуулалтын байгууллага нь:

1. Гэрчилгээнд заасан бүтээгдэхүүний стандарт, техникийн зохицуулалтад өөрчлөлт орсон, хүчингүй болсон тухай бүрт гэрчилгээ эзэмшигчид бичгээр мэдэгдэж, гэрээний хугацааны асуудлыг шийдвэрлэнэ.
2. Эзэмшигч нь энэ гэрээнд заасан үүргээ биелүүлээгүй тохиолдолд түүнд урьдчилан мэдэгдсэний үндсэн дээр гэрээг хугацаанаас өмнө цуцалж, хэвлэл мэдээллээр нийтэд мэдээлнэ.
3. Баталгаажуулалтын схемийн дагуу магадлан хяналтыг  энэ гэрээний хавсралт үүрэгт заасан хугацаанд хийнэ.

Хоёр. Тохирлын тогтвортой байдлын хяналт

1. Баталгаажуулалтын байгууллага гэрчилгээнд заасан бүтээгдэхүүн нь стандартын үзүүлэлт, шаардлагад тохирч байгаад “Бүтээгдэхүүнд баталгаажуулалт явуулах журам БХҮНТ ББАЖ-08”-ын дагуу хяналт тавина.
2. Баталгаажуулалтын байгууллага нь тохирлын тогтвортой байдлын хяналтыг гэрээнд заасаны дагуу явуулна.

Гурав. Бүтээгдэхүүний өөрчлөлтийн тухай мэдээлэл

Тохирлын гэрчилгээ эзэмшигч нь баталгаажуулалтанд хамрагдсан бүтээгдэхүүн болон түүний үйлдвэрлэлийн технологи, чанарын удирдлагын тогтолцоонд өөрчлөлт орсон тохиолдолд 30 хоногийн дотор Баталгаажуулалтын албанд албан ёсоор бичгээр мэдэгдэнэ. Зайлшгүй мэдэгдэх мэдээлэлд дараах зүйлүүд орно.

• Хууль зүйн, худалдааны, бүтцийн эрх зүйн байдал болон эзэмшил өөрчлөгдсөн тохиолдолд;
• Гол удирдлагын ажилтан, шийдвэр гаргагч буюу технологи инженер, техникийн ажилтан өөрчлөгдсөн тохиолдолд;
• Баталгаажсан бүтээгдэхүүний буюу үйлдвэрлэлийн технологийн шинэчлэлт хийгдсэн тохиолдолд;
• Холбоо барих хаяг болон үйлдвэрлэлийн хэсэг өөрчлөгдсөн;

Дөрөв. Хэрэглэгчээс гарсан гомдол

1.  Бүтээгдэхүүн нь стандартын шаардлага хангахгүй байгаа тухай хэрэглэгчийн гомдлыг эзэмшигч хариуцах бөгөөд гомдлын шаардлагыг хангах талаар бүртгэл, мэдээлэл хөтөлж баримтжуулсан байна.
2. Эзэмшигч нь гэрчилгээнд дурьдсан бүтээгдэхүүний талаар хэрэглэгчээс гаргасан санал, гомдол, тэдгээрийг барагдуулсан тухай бүртгэлийг баталгаажуулалтын албанаас шаардсан тухай бүр баталгаажуулалтын албанд тайлагнана.
3.  Хэрэглэгчээс ирүүлсэн гомдлыг нуун дарагдуулахгүй, бүртгэлд бүрэн хамруулж, сайжруулалт хийж байх үүргийг эзэмшигч тал хүлээнэ.

Тав. Тохирлын гэрчилгээ хэрэглэх

1. Тохирлын гэрчилгээг стандартын шаардлага хангаж байгаа бүтээгдэхүүн тус бүрд олгох ба гэрчилгээний хадгалалт, хамгаалалтыг эзэмшигч тал хариуцна. Хэрэв гэрчилгээг хаяж үрэгдүүлбэл хэвлэл мэдээллийн хэрэгслээр хүчингүй болгон зарлуулсан тохиолдолд баталгаажуулалтын байгууллага тохирлын гэрчилгээ олгох шийдвэрийн хүчинтэй байх хугацаанд зөвхөн нэг удаа төлбөртэйгээр дахин олгоно.
2. Хэрэглэгч нь тохирлын гэрчилгээг тухайн бүтээгдэхүүний чанарын баталгаа болгох ба түүнийг ил тод байрлуулах, сурталчлах, бүтээгдэхүүн нийлүүлэлтийн гэрээ, тусгай зөвшөөрөл авах, сонгон шалгаруулалтын баримт бичигт хуулбарлан хавсаргаж болно.
3. Тохирлын гэрчилгээ нь тухайн байгууллагын бүтээгдэхүүний бизнесийн үйл ажиллагааны нэр хүндийн болон хэрэглэгчдийн эрэлтэд нийцсэн техникийн шаардлага хангасан бүтээгдэхүүн болохыг нотлох баримт бичиг гэдгийг эрхэмлэн хүндэтгэж ажиллана.

Зургаа. Сурталчилгаа

1. Эзэмшигч нь энэ гэрээний хүрээнд бүтээгдэхүүнээ олон нийтийн хэвлэл, мэдээллийн хэрэгслээр сурталчлах эрхтэй.
2. Эзэмшигч нь бүтээгдэхүүний стандартад зааснаас өөр эрүүл мэнд, аюулгүй байдалд холбогдолтой үзүүлэлтийн талаарх мэдээллийг сурталчилгаанд ашиглахгүй.
3. Тохирлын гэрчилгээ хэрэглэх эрхийг түр зогсоосон, цуцалсан тохиолдолд баталгаажуулалтыг аливаа сурталчилгаанд хэрэглэхгүй байх, баталгаажуулалтын албаны шаардлагын дагуу тохирлын гэрчилгээ, гэрээ, бусад холбогдох баримт бичгийг ББА-д буцаан өгнө.

Долоо. Нууцлал

Баталгаажуулалтын алба нь тохирлын гэрчилгээ хэрэглэх бүтээгдэхүүний нэр төрөл, эзэмшигчийн хаягаас бусад мэдээллийг бусад аж ахуйн нэгж, байгууллага, хувь хүнд эзэмшигчийн албан ёсны зөвшөөрлөөр өгч, нийтийн хэвлэл мэдээллийн хэрэгслээр мэдээлнэ. Харин хууль хяналтын байгууллагаас шалгаж тогтоох зайлшгүй нөхцөл шаардлага үүссэн тохиолдолд шаардлагатай мэдээллийг албан хүсэлтийн дагуу гаргаж өгнө.

Найм. Төлбөр

1.  Эзэмшигч нь бүтээгдэхүүний тохирлын тогтвортой байдлын хяналт, шинжилгээ, зохион байгуулалттай холбоотой бүх зардлыг хариуцна.
2. Тохирлын гэрчилгээг нэг жил ба түүнээс дээш хугацаагаар олгосон, сунгасан тохиолдолд тохирлын гэрчилгээ хэрэглэх баталгааны төлбөрийг жил бүр эзэмшигч тал баталгаажуулалтын байгууллагад төлнө. (Төлбөрийн хэмжээг баталгаажуулалтын байгууллага тогтооно.)

. 

Ес. Гэрээ хүчин төгөлдөр болох, түүнийг цуцлах

9.1  Энэхүү гэрээ байгуулсан өдрөөс

     □                        □                               □

1 жилийн            2 жилийн                  3 жилийн                  хугацаанд хүчин төгөлдөр байна.                          (аль нь болохыг тэмдэглэ)

1. Хэрэв гэрээний хугацааг сунгах, гэрчилгээг хүчингүй болгосон тохиолдолд энэ тухай Талууд нэмэлт тодотгол хавсаргаж, түүнийг харилцан тохиролцон баталж, тамга, тэмдэг дарсан тохиолдолд хүчинтэйд тооцно.
2. Тодорхой нэг бүтээгдэхүүнд гэрчилгээ хэрэглэхийг зогсоосон тэр хугацаанаас эхлэн гэрээ нь зөвхөн тухайн бүтээгдэхүүний хувьд хүчингүй болно.
3. Эзэмшигчийн хүсэлтээр гэрээний хугацааг цуцлахдаа тодорхой хугацаа заахгүй бөгөөд хүсэлт гаргасан өдрөөс эхлэн хүчингүй болгоно.
4. Дараах нөхцөлд гэрээг цуцлах бөгөөд дор дурьдсан хугацааны дотор эзэмшигчид гэрээ цуцлах тухай албан ёсоор мэдэгдэнэ. Үүнд:

Гэрээ хүчингүй болох нөхцөлүүд:                               Баталгаажуулалтын албанаас      

                                                                                            эзэмшигчид урьдчилан мэдэгдэх

                                                                                            /хугацаа, хоногийн дотор/

Гэрээ байгуулсан:

Барилгын хөгжлийн үндэсний нэгдсэн төвийн             Тохирлын гэрчилгээ эзэмшигч:                    

Бүтээгдэхүүн баталгаажуулалтын зөвлөлийн              “..............................................” ХХК -ийн              

Дарга                                                                                Захирал

.....................................................  /Г.Мягмар/                  ..................................../                           /  

                               / гарын үсэг /                                                              / гарын үсэг /

 Хаяг: Чингэлтэй дүүрэг 6-р хороо,                              Хаяг:

 Бага тойруу  46, 26/1 байр

 Утас:70110692                                                              Утас:

 И-мэйл хаяг: bhunt@barilga.mn                                   И-мэйл хаяг: